حكم القوى على الضعيف
إيه اللى يخللى انسان يعامل انسان تانى بالشكل ده ؟
أو بالشكل ده:
هل فيه علاقة بين التعذيب والتحرش بالبنات فى وسط البلد ؟
طيب هل فيه علاقة بين تعذيب البشر لبعضهم وتعذيبهم للحيوانات ؟
الفيلم ده بيتناقله العالم عن تعذيب الحيوانات قبل الدبح فى مصر:
وكمان الحمير:
هل هى طبيعة بشرية ان الانسان يفترى لما يحس انه الأقوى وانه متمكن من غيره الأضعف منه ؟ وبالتالى مافيش طريقة لحماية الضعيف الا سيادة القانون؟
ولا هل هو سوء تربية وفيه أمل فى تغيير الواقع بزرع المبادىء والقيم والأخلاق فى الصغر ؟
هناك ٣ تعليقات:
هو خليط بين الكل يا دكتور
تخيل حضرتك يبقى شعورك ايه و انت بتقرا خبر تضحية أو عملية ناجحة قام بيها رجال الشرطة و انت مش قادر تصدقها
شعور مقرف
بقيت حضرتك تخاف من الشرطي أكثر من خوفك من الحرامي
---------------------
ده جانب واحد لكن حضرتك زي ما ذكرت
تعذيبنا للحيوان و النبات
و الله يا دكتور ساعات الواحد من دول بيعمل كده لانه حاسس انه مضروب من الكل فازاي مايضربش حد غيره
-------------------------
ربنا يستر على عباده
ده بيخلينى أفكر ان نسبة كبيرة من اللى بينتقدوا ظباط الشرطة على اللى بيعملوه هايعملوا زيهم اذا تبادلوا المواقع
ممكن و بقوة يا دكتور
كان في قصة قريتها كان بيقول فيها البطل لزوجته
مش معنى اني بقول اني هقدر امنع نفسي من الغلط اني صادق تماما و مش هعمله
زي حارس المرمي ماينفعش اقول عليه حارس جامد وهو ماتعرضش للاختبار طول المباراة
-------------------
ماهو برضه الشرطة بشر زينا
منهم اخوك و ابوك و قريبك و صاحبك و سلوكه ده ناتج عن احتكاكه بينا و تطبعه لطباعنا
يعني هو مش كده من نفسه
دي تراكمات تربية و مواقف
-------------------
ربنا يهدينا اجمعين
إرسال تعليق